Sopelak berriro ere Itxaslehorengan jarri du konfiantza Sopelako Turismo Jasangarriaren Plan Estrategikoaren 2025–2028 eguneraketan header image

Sopelak berriro ere Itxaslehorengan jarri du konfiantza Sopelako Turismo Jasangarriaren Plan Estrategikoaren 2025–2028 eguneraketan

2025ko Ekainak 16

Azken hilabeteetan Sopelako Turismo Jasangarriaren Plan Estrategikoaren eguneraketan lan handia egin dugu, bere kostaldeko ingurune pribilegiatuari, surf nortasun sendoari eta kultura aberastasunari esker potentzial handiko helmuga baita.

Oraingoan, lana elkarlanean egin da @Gura Marketin aholkularitzarekin, Uribeko Plan Estrategikoaren egileekin, eskualdeko ikuspegiarekin eta Helmuga Turistiko Adimentsu baterako bidean hobeto lerrokatzeko.

Horretarako, honako urrats edo fase hauek eman dira:

  1. Lehenik, helmugaren diagnostiko integrala egin da: egungo turismo testuinguruaren, baliabideen, produktuen eta azpiegituren analisia.
  2. Prozesu parte-hartzaile batekin osatu da, sektoreko eta herritar artean 100 eragile baino gehiagoren parte-hartzearekin. Horri esker, DAFO/CAME analisia egin da, indarguneak eta hobetu beharreko arloak identifikatzeko.
  3. Horrek, hausnarketa estrategikoa egiteko aukera eman du, GJHekin eta Helmuga Turistiko Adimentsuaren metodologiekin bat eginez.
  4. Misioa, ikuspegia eta helburu estrategikoak zehaztu dira, jasangarritasuna, birsorkuntza eta denboraldiz kanpoko turismoa ardatz hartuta.
  5. Azkenik, ekintza plan bat gomendatu da: gobernantza, marketina (posizionamendua, segmentazioa eta produktuaren garapena), helmugaren edertzea eta sektorearen lehiakortasuna hobetzeko neurriekin.

Lan honen bidez, Sopela helmuga turistiko adimentsu eta jasangarri bihurtu nahi da, tokiko biztanleen ongizatea eta bisitariaren esperientzia orekatuz.

Helburuak:

  • Sopelaren lidergoa sendotzea Euskal Kostako turismo aktibo eta surfaren erreferente gisa.
  • Bere natura, kultura eta geologia ondarea balioan jartzea, turismo birsortzailea sustatuz.
  • Mugikortasun jasangarria hobetzea eta tokiko merkataritza eta gastronomia eskaintza indartzea.
  • Sustapena, lankidetza publiko-pribatua eta sektorearen profesionalizazioa bultzatzea.

Eskerrik asko ikuspegia, konpromisoa eta parte-hartzea erakutsi duten pertsona eta erakunde guztiei. Sopelak aurrera jarraitzen du zaintzen, inspiratzen eta konektatzen duen helmuga gisa.

#TurismoJasangarria #HelmugaAdimentsua #Sopela2025 #PlanEstrategikoa #TurismoBirsortzailea #Surf #EuskalKosta