ITXASLEHOR ZERBITZU TURISTIKOAK DURANGOKO AZOKAN

Abenduaren 5etik 8ra Durangoko Azokaren 59. edizioa ospatu zen. Aurten ere euskal kulturaren erakusleiho handia izan da eta, hortik harago, sortzaile eta kulturzaleen arteko harremanetarako plaza ere izan da. Sorkuntzak ekitaldi eta erakustokietan erakutsi dira, eta sortzaileek publikoaren babesa jaso dute aurrera begira lanean jarraitzeko.
Durangoko Azokaren zabalkundeari esker, euskal kulturak leku bat hartu du espazio publikoan, euskal kultura bizitzeko aukera ematen dien aterki bat, Azokan parte hartzea balio positiboekin lotzen baitute. Kultura maite dutenei dei egin zaie Durangoko Azokara joan daitezen, kultur sistema osasuntsu baterako ezinbesteko katebegia direla aitortuz, eta egun hauetan izan den bisitarien joan-etorriak erakutsi du kulturzaleak prest daudela erantzukizun hori beren gain hartzeko.
Landako Guneak mota ezberdinetako 100 erakusketari baino gehiago bildu zituen, literatura, diskografia, musika edo informazio turistikoa, besteak beste. Urkiola-Durangaldea landa garapenerako elkarteak Itxaslehor Zerbitzu Turistikoak kontratatu zuen Durangaldeari buruzko informazioa emateko espazioaren kudeaketa. 4 egunen artean, ia 900 pertsonak hartu zuten parte standean, eta interes handia erakutsi zuten oinezko eta btt ibilbideen, mapen, kultura-ondarearen eta landa-ostatuen inguruan. Ikusleen % 95 Bizkaikoak dira, baina Gipuzkoakoak, Kataluniakoak edo Frantziakoak ere izan dira.
Durangoko Azoka oso finkatuta dagoen azoka da, eta turismoaren presentzia funtsezkoa da bisitariei eskualdeko eskaintza erakusteko. Urtea 60. edizioa izango denez, ziur nago ez galtzeko moduko ekitaldia izango dela.