2026ko Ekainak 02
Berriak
Ekitaldiak
2026ko Maiatzak 22
EUSKADI BASQUE COUNTRY GOLFEKO HELMUGA TURISTIKO GISA SUSTATZEN DA IAGTOK ANTOLATUTAKO IEC MERKATARITZA-EKITALDIAN
Itxaslehor Turismo Zerbitzuak-ek gure helmugaren ordezkaritza zerbitzua eman zion Basquetour, Turismoaren Euskal Agentziari, Malagan 2026ko maiatzaren 18 eta 20 bitartean ospatu zen Europako konbentzio honetan.
IEC –IAGTO European Convention– Europako golf-turismoko ekitaldi komertzial eskuragarriena eta produktiboena da, eta 900 ordezkari baino gehiago erakarri zituen 2026ko edizio honetan.
Ekitaldi hau IAGTOko (International Association for Golf Tour Operators) kideei irekita dago, hau da, Europa osoko, Iparramerikako, Latinoamerikako, Afrikako, Golkoko estatuetako eta Asiako golf-operadore turistikoei, golf-turismoko hornitzaileei, golf-helmugei eta komunikazio-zerbitzu hornitzaileei.
Ekitaldi horretan parte hartu zuten ordezkari saltzaileak eta erosleak IAGTOko kideak dira, guztiz akreditatuak, eta mundu osoko golf-bidaien jaulkitzaile diren merkatuetatik datoz, eta guzti-guztiak Europako golf-helmugetako saltzaileak dira.
Konbentzioak, berez, bi bilera-egun ekarri zituen, eta horiek guztiak aldez aurretik programatu ziren, ordezkariek eskatuta, Malagako Azoka eta Kongresu Jauregian (FYCMA).
Euskadi Basque Countryk iraupen laburreko aurrez-aurreko 40 bilera egin zituen (speed meeting-ak) bi lan-egun gogorretan, golfeko turismo-operadoreen arreta erakartzeko helburuarekin, gure helmugako golf-eskaintza ezagutzeko interesa agertu baitzuten, batez ere gure autonomia-erkidegoan ditugun 18 zuloko 7 zelaien eta 9 zuloko 3 zelaien inguruan.
Zalantzarik gabe, aukera ezin hobea da gure helmuga turistikoa nazioarteko merkatuetan sustatzeko. Merkatu horiek udatik kanpo bidaiatzen duten bezeroen profilak dituzte, eta erosketa-maila nahiz kultura-maila ertain-altua dute.
2026ko Apirilak 10
EUSKADI BASQUE COUNTRY-K "SPORTS & EVENTS EUROPE" EKITALDI KOMERTZIAL TURISTIKOAN AUKERA BERRIAK BILATZEN DITU
Itxaslehor Zerbitzu Turistikoak Euskadi Basque Country helmuga turistikoaren errepresentazioan parte hartu du ekitaldi honetan, golfeko turismo-produktuaren laguntza tekniko gisa
Euskadi Basque Country helmuga turistikoak S&E Europe 2026 ekitaldi turistiko-komertzialean parte hartu du, Basquetourren bidez (Turismoaren Euskal Agentzia), gure lurraldea sustatzeko eta kirol-eremuan eta segmentu horrekin lotutako ekitaldietan aukera berriak bilatu ahal izateko.
S&E Europe kirol-turismoan eta Europako ekitaldietan espezializatutako B2B topaketarik handiena da. Bosgarren edizioa Sevillan egin du, 2026ko martxoaren 23tik 25era, eta honako hauek bildu ditu: helmugak, hotel-kateak, kirol-instalazioak dituzten hotelak, kirol-zentroak, klubak, unibertsitate-campusak, DMC espezializatuak, tiketing-enpresak, garraioa eta aseguruak, kirol-turoperadoreak, bidaia-agentzia espezializatuak, training-kanpinen antolatzaileak, kluben eta federazioen travel managerrak, hospitality-enpresak, MICE agentziak eta kirol-ekitaldien antolatzaileak.
Topaketak Europa eta Ipar Amerikako nazioarteko 300 erosle baino gehiago bildu ditu, 1.000 milioi euroko erosketa-ahalmenarekin, baita bi kontinenteetako 300 hornitzaile eta helmuga inguru ere.
Bi egun eta erdian eta bi gauetan, 8.000 negozio-bilera egin dira aurrez, eta sektoreko merkataritza-plataforma indartsuenetako bat bihurtu da ekitaldia.
Zehazki, Euskadi Basque Countryri dagokionez, 30 lan-bilera egin dira, etorkizuneko negozio-aukeretan gauzatu daitezkeenak, bai helmugarako, bai bertan finkatutako turismo- eta/edo kirol-enpresetarako.
2026ko Otsailak 02
EUSKADI BASQUE COUNTRYK GOLFMESSE AZOKAN PARTE HARTU DU, SUITZAKO GOLF TURISMOAN ESPEZIALIZATUTAKO AZOKA BAKARRA
Itxaslehor Zerbitzu Turistikoak-ek gure helmugako erakusmahaia kudeatu, koordinatu eta artatu du, Basquetour Turismoaren Euskal Agentziarentzat golfeko turismo-produktuari laguntza teknikoa ematen dion enpresa gisa
Euskadi Basque Country, Basquetour Turismoaren Euskal Agentziaren bitartez eta Zuricheko Espainiako Turismo Bulegoaren eskutik, Golfmesse azokaren 14. edizioan izan da joan den astean, Zurichen, urtarrilaren 29tik otsailaren 1era, hiri horretako azoka-barrutian. Golf turismoan espezializatutako azoka hau Fespo-rekin batera egiten da -azoka hauxe herrialde helvetiarreko oporretako azokarik handiena izanik-.
Azoka honetan egotearen helburu nagusia euskal golfaren eskaintzak bisitarien artean dituen aukerak ezagutaraztea izan da, dauden egitura nabarmenak aurkeztea eta golfean jokatzeaz gain, hiriez, kulturaz, gastronomiaz, herriez, kostaldeaz, paisaiez eta abarrez gozatzeko aukera ematen duen esperientzia anitzeko helmuga dela transmititzea.
Bestalde, Fespo herrialde helvetiarreko turismo-sektore garrantzitsueneko ekitalditzat jotzen da, eta ezinbesteko hitzordua da Suitzako merkatua bezalako helmugarako garrantzi estrategiko handia duten Europa erdialdeko merkatu igorleetan egiten diren sustapen-ekitaldien egutegian.
Ekitaldi mistoa izan da, eta profesionalak eta publiko orokorra hartu ditu. Azokako 5. pabilioiak, Golfmesse izenekoak, erakusketa-gune bat izan du, bai golf-turismorako berariazko eskaintza duten helmugentzat, bai segmentu horretan espezializatutako Suitzako touroperadoreentzat, azokara joaten diren profesional eta zaleei beren produktuak eta joerak erakusteko.
Antolatzaileen arabera, 10.000 bisitari eta 180 erakusketari izan dira, batez beste, Golfmesseren edizio honetan.
2026ko Urtarrilak 24
ITXASLEHOR ZERBITZU TURISTIKOAK FITUR 2026an
2025ko Abenduak 22
ITXASLEHORREK “HARROBI” ZIURTAGIRIA LORTU DU
2025ko Azaroak 25
ITXASLEHOR ZERBITZU TURISTIKOAK AURTEN ERE INTUR AZOKAN
2025ko Abuztuak 15
EUSKADI DANIMARKAKO GOLF TXAPELKETAN IZANGO DA, GOLF-TURISMOKO HELMUGA GISA SUSTATZEKO ASMOZ
Euskadi Basque Country Danimarkako Golf Txapelketan presente izango da, abuztuaren 14tik 17ra bitartean, Danimarkako Birkerød herriko Furesø golf-konplexuan. 60.000 golfzale baino gehiago bilduko dituen ekitaldi honek aukera estrategikoa eskaintzen du Euskadi merkatu eskandinaviarrean golf-turismoko helmuga espezializatu gisa kokatzeko eta Itxaslehor izango Euskadiren espazioa kudeatu eta artatuko duena.
Txapelketak iraungo duen lau egunetan, Euskadik gune propioa izango du sarrera nagusian kokatutako village esparruan. Bertan, golf-turismoari buruzko liburuxka banatuko da, eta kirol horrekin lotutako azpiegituraren eta eskaintza turistikoaren inguruko informazio zehatza zabalduko da. Horrez gain, tarjetoi promozional bat diseinatu da, bisitariek Euskadiko turismo-webguneko golfari buruzko informaziora zuzenean sartzeko aukera izan dezaten, esperientzia arinago eta digitalagoa euren eskura jarriz.
Ekintza osagarri gisa, informazio-gunera hurbiltzen diren pertsonen artean zozketa bat egingo da, eta irabazleak bi lagunentzako asteburu bateko egonaldiaz gozatu ahal izango du, Euskadin golf-esperientzia biziz.
Merkatu daniarra aukera baliotsua da Euskadirentzat helmuga turistiko gisa nabarmentzeko, bereziki golfa bezalako segmentu espezializatuetan. Bidaiari hauek gustuko dute gauza berriak ikastea eta finkatuetako ibilbideetatik irtetea; jakin-min handia dute, motibazio kulturala ere bai, eta esperientziaren kalitatea prezioaren gainetik lehenesteko joera agertzen dute. Helmugaren historia, ingurune naturala eta irisgarritasuna bereziki baloratzen dituzte. Gainera, goi-mailako ostatuak nahiago izaten dituzte, erreserbak plataforma digitalen bidez egiteko ohitura dute eta euren bidaiak modu autonomoan antolatzen dituzte, ohiko sasoietatik kanpo.
Ekimen hau Euskadiko Golf Turismoko Sarearen lanaren baitan kokatzen da. Sare hori sektoreko 16 eragilek osatzen dute: 12 golf-zelai, 3 turismo-agentzia hartzaile, Euskadiko Golf Federazioa eta Basquetour bera. Helburu nagusiak dira golf-turismoko azpiegitura garatzea; turismo-eskaintza dibertsifikatzea eta Euskadi balio erantsi handiko merkatu-nitxoetan kokatzea.
2025ko Maiatzak 28
EUSKADI BASQUE COUNTRY GOLFEKO HELMUGA TURISTIKO GISA SUSTATZEN DA IAGTO-K ANTOLATUTAKO IEC MERKATARITZA-EKITALDIAN
Itxaslehor Zerbitzu Turistikoak-ek Euskadi Basque Country helmugaren ordezkaritza zerbitzua eman zuen Kanaria Handian 2025eko maiatzaren 19tik 21era bitartean ospatu zen Europako konbentzio honetan.
IEC –IAGTO European Convention– Europako golf-turismoko ekitaldi komertzial eskuragarriena eta produktiboena da, eta 800 ordezkari erakarri zituen edizio honetan. Ekitaldi hau IAGTOko (International Association for Golf Tour Operators) kideei irekita dago, hau da, golf-operadore turistikoei, golf-turismoko hornitzaileei, golf-helmugei eta Europa osoko, Afrikako eta Golkoko estatuetako komunikazio-zerbitzu hornitzaileei.
Ekitaldi horretan parte hartu zuten ordezkari saltzaileak eta erosleak IAGTOko kideak dira, guztiz akreditatuak, eta mundu osoko golf-bidaien jaulkitzaile diren merkatuetatik datoz, eta guztiak Europako golf-helmugetako saltzaileak dira.
Konbentzioak, berez, bi bilera-egun ekarri zituen, eta horiek guztiak aldez aurretik programatu ziren, ExpoMeloneras Konbentzio Zentroko ordezkariek eskatuta.
Euskadi Basque Countryk iraupen laburreko aurrez-aurreko 25 bilera baino gehiago egin zituen (speed meeting-ak) bi lan-egun gogorretan, golfeko turismo-operadoreen arreta erakartzeko helburuarekin, gure helmugako golf-eskaintza ezagutzeko interesa agertu baitzuten, batez ere gure autonomia-erkidegoan ditugun 18 zuloko 9 zelaien inguruan.
Zalantzarik gabe, aukera ezin hobea da gure helmuga turistikoa nazioarteko merkatuetan sustatzeko, merkatu horiek udatik kanpo bidaiatzen duten bezero-profilak zein erosketa-maila nahiz kultura-maila ertain-altua dituztelarik.
2025ko Maiatzak 15