Iazko azaroaz geroztik, Bakioko turismoaren sektore-mahaia hamabostean behingo saioetan ari da lanean. Saio horiek lankidetza-dinamikak dira, Bakioko udalerrian turismo errespetuzkoago eta orekatuago baten kudeaketa hobetzeko neurriak definitu eta sustatzeko helburuarekin.

Udalaren eta sektore honetako enpresen arteko talde-lana da; guztira 46 enpresa-proiektu biltzen ditu. Itxaslehor Turismo Zerbitzuak mahaiaren dinamizazio eta aktibazio lanak eskaintzen ditu.

Bakioko turismo enpresen sektoreko mahaiak ekintza-plan bat sortu du, gobernantzatik hasi eta lurraldearen kudeaketaraino; tartean, enpresen lehiakortasuna hobetzea, bizikidetza eta produktu zein zerbitzuen eskaintza ere landuz.

Epe ertainera begira, Bakioko eragile guztiekin hausnarketa integral bat egitea espero da, Bakiok nahi duen turismo-eredua zehazteko eta etorkizunean garatu beharreko jardun-ildoak adosteko.
Mahaia, gainera, enpresa-ekimen bakoitzaren atzean dauden kudeatzaileen arteko topagunea da. Bertan, erronkak eta aukerak partekatzen dira, eta aldi berean, ekimen bakoitzean dagoen ezagutza eta talentua taldearen esku jartzen da.

Hilabete hauetan, turismo sektoreko mahaiaren bidez, Bakioko Udalari aholkularitza eskaini zaio hainbat arlotan: turismo-seinaleztapenean, trafikoari eta karabanen inguruko ordenantzan, Bakioko turismoaren egoerari buruzko iritzian, eta garraio zein erakunde arteko harremanen inguruko laguntzan.

Aldi berean, enpresek aholkularitza jasotzen dute, baita euskal turismo-ekosistemari buruzko informazio baliotsua, Euskal Kostaldeko turistaren portaerari buruzko datuak, eta sare sozialetarako irudi eta edukiak kudeatzeko zein irudiak eta iragarkiak sortzeko prestakuntzak ere.

Mahaiak udako hilabeteetan bere jarduerarekin jarraitzen du, erritmo motelagoan bada ere, baina enpresen artean irekitako etengabeko komunikazio-kanalen bidez konektatuta jarraitzen du.

Pasa den maiatzaren 22an, Bermeoko Kasinoak hartu du ARRAIN AZOKA PRO jardunaldi profesionalaren edizio berria. Topaketa Bizkaiko Itsas eta Irristaketa ekosistemaren barruan antolatzen da, eta bertan elkartu dira enpresak, Lanbide Heziketako zentroak, erakundeak eta Ekonomia Urdinarekin lotutako eragileak.

Aurtengo leloa honakoa izan da: “Ekonomia Urdinaren garaia: itsasoak dakarren garapen ekonomikoa”. Jardunaldiak itsasoari lotutako garapen ekonomikorako, berrikuntzarako eta lankidetzarako aukerak jarri ditu erdigunean, baita enpresen eta Lanbide Heziketaren arteko loturak indartzeko beharra ere.

Erronkak, berrikuntza eta talentua konektatzeko gunea

Eusko Jaurlaritzak Ekonomia Urdinaren aldeko bere apustu estrategikoa aukeztu du, BFAko ekonomia sustatzeko saila, eta Bermeoko Udala-Behargintzak bultzatutako Ekonomia Urdina 2026 proiektua azaldu du.

Gainera, MD LAB proeiktuak arrakasta kasua aurkeztu du: Lanbide Heziketako zentroen eta enpresen arteko lankidetza-esperientzia bat.

Saioaren barruan, lan eta networking espazio parte-hartzaile bat ere egin da, sektoreko erronka komunak identifikatzeko eta enpresen, LH zentroen eta ekosistemako eragileen arteko konexio eta lankidetza aukera berriak sustatzeko.

Itxaslehorrek laguntza teknikoa eskaintzen du itsasoaren eta irristatzearen industriari bultzada emateko proiektuan. Proiektua ADR Uribe-Jata Ondo, Bermeoaldeko Behargintza eta Getxoko Udala-Getxolan garapen ekonomikoko agentziek gidatzen dute, eta Bizkaiko Foru Aldundiko Bizkaia Orekan Sakonduz programaren laguntza du.

ESPR-ri aurrea hartzeko eta betebeharra aukera bihurtzeko giltzarri praktikoak

Getxo Itsas Hub, Itsasoaren Industriaren eta Irristatze-sektorearen ekintzailetza-zentroa, Getxoko Udala-Getxolan-ek dinamizatua eta Itxaslehor Consultancyren laguntzarekin, martxoaren 17an Getxo Itsas Talk saio berri bat jarriko du martxan.

Getxo Itsas Talks-ak ezagutza-, inspirazio- eta esperientzia partekatu-saioak dira Itsas Industriako eta Irristaketako enpresentzat.

Getxo Itsas Talks hurrengo saioan azaldu egingo da zer diren DPP benetan eta zer ekarriko duen ESPRk produktu batekin lotutako enpresa industrial, ekoizle, banatzaile, marka eta profesionalentzat. Izan ere, Europako eskakizunei aurrea hartu beharko diete, trazabilitatea hobetu beharko dute, haien aktiboetan konfiantza indartu eta inguru berrirako prestatu, non gardentasuna eta ziurtagiri digitala merkatuaren giltzarri izango diren. Halaber, landu egingo da jabetza-trazabilitateak eta egiletza-ziurtagiri digitalak eman diezaieketen aukera sortzaile (artistak, diseinatzaileak, artisauak) eta enpresei, haien produktuen bakartasuna eta berezitasuna balioa direnean.

• Data: Martxoak 17
• Ordua: 13:00
• Lekua: Getxo Itsas Hub (Getxoko Kirol Portua)
• Izen ematea

Koldo García ekintzaile teknologikoa da eta bi hamarkada baino gehiagoko ibilbidea egin du soluzio digital berritzaileak garatzen. 1999an, The Mad Pixel Factory-ren (Madpixel) fundatzaileetako bat izan zen. Madrilen sortutako enpresa garatu egin da eta erreferente gisa kokatu da museoetarako produktu teknologikoen eta soluzio digital aurreratuen garapenean, zeinak Europako eta Ameriketako Estatu Batuetako ehunka erakundetan ezarri dituen. Halaber, 2011n The Mad Video Inc. startuparen fundatzaileetako bat izan zen. San Frantzisko (AEB) ezarritako enpresak bideo interaktiboak eskaintzen ditu eta, 2015ean erosi zuten arte, produktuarentzako finantzaketa biltzen eta hori garatzen liderra izan zen.

Getxo Itsas Hub-i buruz

Getxo Itsas Hub berrikuntza eta ekintzailetza zentro gisa inauguratu zen 2021eko maiatzaren 11n. Zentroak 22 lanpostu eta enpresentzako zein ekintzaileentzako laguntza espezializatua eskaintzen ditu.

Itxaslehor Consultancy dinamizazioaz eta proiektuen laguntzaz arduratzen da. 4 urte hauetan, 28 proiektu pasa dira Getxo Itsas Hub-etik, eta horietatik 23k jarduerari eusten diote gaur egun.

Gaur egun, proiektuen %100 erregistratuta daude. Proiektuen tipologiari dagokionez, %80 industria edo zerbitzu lotuak dira, eta %20 aisialdiko zerbitzuak. Lehen urtearekin alderatuta, industria proiektuek %15eko hazkundea izan dute.