Pasaden abenduaren 10ean, Lanbide Heziketako Ikastetxeen Sareak enpresa-berrikuntzarako laborategi gisa dituen gaitasunen katalogoa aurkeztuko da Getxo Elkartegian(Getxolan). Dokumentu aitzindaria da, eta LHko zentroek lurraldeko enpresen eskura jartzen dituzten baliabideak, azpiegiturak, ekipamenduak eta ezagutza teknikoak identifikatzen eta balioesten ditu.

Katalogo honek, LH zentroek enpresa-berrikuntzako prozesuetan laguntzeko duten gaitasun zabala jasotzen du. Nabarmentzekoak dira, besteak beste:

• Tailer espezializatuak eta laborategi hornituak
  ● Makineria eta teknologia aplikatua
  ● Prototipatzeko eta balidazio teknikorako ekipamenduak
  ● Saiakuntza eta froga praktikoetarako azpiegiturak
  ● Irakasleen eta teknikarien ezagutza espezializatua

Enpresen eta LH zentroen arteko lankidetza errazteko sortutako tresna praktikoa da, prototipatzea, konponketa tekniko aurreratua, ikaskuntza aplikatua, ideien balidazioa edo ekonomi urdinarekin lotutako soluzioen garapena bezalako arloetako proiektuak.

Enpresen eta prestakuntza-zentroen arteko lankidetza errazteko diseinatutako baliabide praktikoa da, eta proiektu errealak sustatzen ditu hainbat arlotan, hala nola prototipatuan, konponketa tekniko aurreratuan, ikaskuntza aplikatuan, ideien balidazioan edo ekonomia urdinari lotutako soluzioen garapenean.

Esparru estrategikoa: MD Bizkaia Lab

Katalogoa MD Bizkaia Lab lankidetza-eredu berriaren lehen emaitza ikusgarria da; haren helburua enpresen eta Lanbide Heziketako zentroen arteko harreman-esparru egonkor bat finkatzea da., Bizkaiko Itsas eta Irristaketa ekosistemaren barruan.

258 enpresak osatzen duten sektore honek 171,7 milioi euro sortzen ditu fakturazioan. Espezializazio tekniko handia eta berrikuntza-potentziala ditu ezaugarri.

Proiektua Bermeoaldeko Behargintza, Getxoko Udala eta ADR Jata-Ondo agentzien sarea bultzatzen du, Tknikaren laguntzarekin, eta Bizkaiko Forun Aldundiaren Bizkaia Orekan Sakonduz programaren esparruan, eta Itxaslehorren  laguntza teknikoa du.

A Coruña, Bartzelona eta Las Palmas Kanaria Handikoekin batera, Getxok, “BERRIKUNTZA URDINA: KOSTALDEKO HIRIEN ESPERIENTZIAK” izenburuko mahai-inguru baten protagonista izan da.

NovaGob 2025 Berrikuntza Publikoko Kongresua, urriaren 27 eta 28an, Bartzelonako World Trade Centerren ospatu da. Itxaslehor Surf Consultancyk Getxo udalerria lagundu du mahai-inguru honetan.

Berrikuntza Publikoko Kongresuak baloreen, teknologiaren eta pertsonen alde egiten du, erakunde publikoen ahalmen guztia aprobetxatzeko. Bere 11. edizioan, administrazio publikoaren arloko 1500 pertsona baino gehiago bildu ditu, berrikuntzaren bidez eraginkortasuna hobetzeko helburuarekin.

Getxok itsas industria eta lerradura sustatzearen alde egindako apustuak eta estrategiak, ekonomia urdineko sektoreetara bideratutako espezializazio irmoarekin batera, antolatzaileen arreta piztu du, eta, horregatik, haien esperientzia partekatzeko gonbita jaso dugu.

2001az geroztik, Getxok ekosistema bizi bat sustatzen du, itsas industriari, irristatze-kirolei eta lankidetzazko berrikuntzari lotua. Ingurune dinamiko horretan, ekintzaileak, enpresak, profesionalak, prestakuntza-zentroak, erakundeak, elkarteak eta itsas eta kirol-sektoreko eragileak elkartzen dira.

Abian jarri zenetik, Getxo Itsas Hub ekosistemak itsasoaren eta irristatzearen inguruko proiektu, eragile eta lankidetzen komunitate dinamikoa finkatu du. Hona hemen hori islatzen duten zenbait zifra.

450 lagunek baino gehiagok hartu dute parte aholkularitza, trebakuntza eta networking ekintzetan.

600 lagun baino gehiago elkartu dira topaketa profesionaletan eta ekitaldi sektorialetan (Sail Inn Pro, Getxo Itsas Fest, LKB Surf Film Festival, …).

2024an antolatutako 14 ekitaldi profesional.

34 bilera tekniko tokiko eta nazioarteko enpresa eta eragileekin.

28 proiektu daude GIH Ekintzailetza Zentroan, 2021ean ireki zenetik.

15 proiektu aktibo 2024an.

50 erakunde kolaboratzaile baino gehiago, unibertsitateak, elkarteak eta kluster sektorialak barne.

Getxo Itsas Hub Berrikuntza eta Ekintzailetza Zentroak, Ekonomia Urdinaren esparruan itsas- eta irristatze-sektoreari zuzenduta, ireki zenetik laugarren urteurrena ospatu du. Getxoko Udalak sustatutako proiektu estrategikoa da, Bizkaiko industria horren ekosistemako beste erakunde eta eragile batzuekin lankidetzan. Itxaslehor Consultancy-k Hub-a eta bertako proiektuak dinamizatzeko zerbitzuak eskaintzen ditu hasieratik.

 Udalak Ekonomia Sustapena txertatu du azken Legealdiko Planetan hiri-eredu berrirako ardatz estrategiko gisa: bizitzeko eta lan egiteko lekua. Lehiakortasunaren diagnostikoa egin ondoren, Getxok bi sektore bereziki bultzatzea eta babestea erabaki zuen: Sormen eta Kultura Industriak-KSI eta Kirolarekin eta Ongizatearekin lotutako Industriak eta, bereziki, Itsasoari lotutako Industriak. Hori guztia turismo elkartuan, teknologietan, jasangarritasunean eta ekintzailetzan ere babesa izanik.

Ekonomia Sustapeneko zinegotzi Juanma Gonzálezek adierazi duen bezala, “Getxo Itsas Huben laugarren urteurren honetan, enpresek egindako lana, sortutako ekosistemaren balioa, Getxoren apustu estrategikoa eta ekonomia urdinaren sektore honetan dauden aukerak nabarmendu nahi ditugu. Aipagarria da lau urte hauetan zehar enpresen, ekintzaileen, erakundeen, prestakuntza-zentroen, zentro teknologikoen, inbertsio-funtsen, elkarte profesionalen, aldaketa-eragileen eta profesionalen artean sortu den lankidetza-ekosistema. Guztiok helburu komun batekin, gure lurraldearen eta herritarren ongizatea hobetuko duten proiektu berrien garapena babestea”.

2024ko datuak

 2021ean ireki zenetik, Getxo Itsas Hubek 28 proiektu hartu ditu, horietatik 15 2024an (% 80 industrialak edo lotutako zerbitzuak). 14 ekitaldi hartu ditu, zeinetan 256 pertsonak hartu duten parte, eta 34 bilera egin dira tokiko eta nazioarteko enpresa eta eragileekin.

450 enpresak eta pertsonak baino gehiagok hartu dute parte profesionalizazio-ekintzetan (enpresa-aholkularitza, prestakuntzak, programak, networking-a…), eta 14 topaketa profesional baino gehiago egin dira Euskadiko itsas- eta irristatze-industriako eragileekin lankidetzan (Sail Inn Pro, Surf Business Meeting, Networking, Getxo Itsas Fest, LKB Surf Film Festival…), non 600 pertsonak baino gehiagok hartu duten parte.

Lankidetza eta aliantzak ezarri dira 50 eragile publiko eta pribaturekin baino gehiagorekin, hala nola honakoekin: elkarte profesionalak (NAUTAN, FMV klusterra…), unibertsitateak eta berrikuntza zentroak (EHU, Deustua, Mondragon Unibersitatea, Innobasque, TKgune…), inbertsio-funtsak eta turismo eremuko (Basquetour, Surfeko herrien sarea…) eta kirol esparruko (Sportek HUB, Basqueteam…) hainbat entitate (U-Bai, B-Corp…), profesionalak eta zenbait aholkularitza-enpresa.

Nabarmentzekoa da Bizkaiko Itsas- eta Irristatze-Industriako (B-Blue) lantaldea sortu dela, Bermeoaldea Behargintza, ADR-Jataondo eta Getxo buru direla, Bizkaiko Foru Aldundiak sustatutako Bizkaia Orekan Sakonduz ekimenaren esparruan.

Itsas eta irristaketa industriaren berrikuntza eta ekintzailetza zentroa, Getxoko Udala–Getxolanek bultzatua, Getxo Itsas Talk saio berri bat jarriko du martxan. Ezagutza, inspirazio eta esperientzia partekatzeko saioak dira, Itsas eta Irristaketa Industriako enpresentzat zuzendutakoak.

Oraingo honetan, honako gaiaren inguruan: Autonomoa ala Merkataritza Sozietatea?

Ekintzailetzan pentsatzen ari zara edo zure egungo forma juridikoa berriro ebaluatu behar duzu?

Saio honetan zehaztasunez aztertuko ditugu pertsona autonomo izatearen eta Merkataritza Sozietate bat (SL, S. Koop…) eratzeak dituen abantailak eta desabantailak. Legezko eta zerga-ardurak ere aztertuko ditugu, erabaki onena hartzen laguntzeko.

• Eguna: Maiatzaren 28a
• Ordua: 14:30etik 16:00etara
• Lekua: Getxo Itsas Hub

Izen-emateak zabalik daude ekintzaileentzat eta enpresentzat: 📧 getxopro@getxo.eus

Getxo Itsas Hub-i buruz

Getxo Itsas Hub berrikuntza eta ekintzailetza zentro gisa inauguratu zen 2021eko maiatzaren 11n. Zentroak 22 lanpostu eta enpresentzako zein ekintzaileentzako laguntza espezializatua eskaintzen ditu.

Itxaslehor Surf Consultancy dinamizazioaz eta proiektuen laguntzaz arduratzen da. 4 urte hauetan, 28 proiektu pasa dira Getxo Itsas Hub-etik, eta horietatik 23k jarduerari eusten diote gaur egun.

Gaur egun, proiektuen %100 erregistratuta daude. Proiektuen tipologiari dagokionez, %80 industria edo zerbitzu lotuak dira, eta %20 aisialdiko zerbitzuak. Lehen urtearekin alderatuta, industria proiektuek %15eko hazkundea izan dute.