Abenduaren 11 eta 12an ospatuko da Sopela Surf Business Meetingaren VIII. edizioa.

Surfari buruzko nazioarteko kongresuaren edizio berria publiko guztientzat zabalik dago, bereziki, Surfaren eta Itsasoaren Industriako langileentzat, ekintzaileentzat, eragile eraldatzaileentzat eta industrian hasi nahi duten irristatze-kirolen zaleentzat.

Sopelako Tokiko Garapen Arloak antolatuta, Itxaslehor Surf Consultancyren laguntza teknikoarekin, gaurkotasuneko eta intereseko ezagutza eta gaiak baturatzen saiatzen da, profesionalen arteko hitzaldi eta topaketen bidez jardunbide egokien trukea eta erakusketa indartuz, tokiko profesionalak eta ekintzaileak inspiratzea eta laguntzea helburu duena.

Industriako azken joerak ezagutzeko gune bat. Gainera, sarea egiteko aukera paregabea da; beraz, aldez aurretik izena emanda eta doan parte hartzera animatzen zaitugu.

Kurtzio Aretoan, lehenengo egunean, emakumeak protagonista nagusi izango diren hitzaldi inspirazionalak eskainiko dira, Nadia Erostarbe surflari olinpiko zarauztarra buru dela.

Sektoreko emakumezko enpresaburuek mahai-inguru batean parte hartuko dute, eta erronkak eta kasu arrakastatsuak aztertuko ditugu, beti proiektu berriak eta etorkizun handikoak jaiotzen diren pintxo networking klasikoarekin amaitzeko.

Bigarren jardunaldia, kongresuaren egoitza den Kurtzion ere, sektoreko enpresa eta profesionalei zuzenduta dago. Euskadiko Behatoki Turistikoa euskal kostaldea bisitatzen duen surfeko turistaren profilari buruz eta joera berriei buruz lortutako datuak ezagutuko ditugu zuzenean.

Parte hartu nahi duzun ekintza aukeratu eta eman izena. Doako sarrera, aldez aurretik izena emanda. Edukiera mugatua. www.surfbusinessmeeting.eus