ARRAIN AZOKA PRO
Bermeok itsaso eta irristatze sektoreko jasangarritasuna eta lehiakortasuna uztartzeko jadunaldi bat hartuko du
Datorren maiatzaren 16an, Arrain Azokaren inaugurazioaren baitan, ARRAIN AZOKA PRO jardunaldi profesionala ospatuko da Bermeoko Arrantzaleen Museoan. Bizkaiko itsaso eta irristatze ekosistemako enpresei, profesional eta eragileei zuzenduta egongo da. Jardunaldi honen helburua negozio-eredu jasangarriagoak, berritzaileagoak eta kolaboratiboagoak sustatzen jarraitzea da.
Koldo Goitia Markuerkiaga Eusko Jaurlaritzako Itsasertzaren Garapeneko, Portuetako eta Itsas Gaietako zuzendariak parte hartuko du. Euskal itsasertzak eta portuek ekonomia urdinerako trantsizioan duten zereginari buruzko esku-hartze estrategikoa eskainiko du.
Jardunaldiak honako osagaiak izango ditu: erakundeetako ordezkarien hitzaldiak, aurreko edizioetan sortutako lankidetza-kasu arrakastatsu baten aurkezpena, eta networking gidatuaren gune bat, empresa eta profesionalen arteko benetako konexioak errazteko diseinatua.
“Jasangarritasuna eta lehiakortasuna elkarrekin existitu ez ezik, elkar indartu dezaketela erakutsi nahi dugu. Topaketa hauek funtsezkoak dira ekosistema enpresarial sendo, berritzaile eta konektatua eraikitzeko”, azaldu dute antolakuntzatik.
ARRAIN AZOKA PRO jardunaldia Bizkaiko itsaso eta irristatze ekosistema dinamizatzeko proiektuaren parte da, Bermeoko Udalak sustatua, Getxoko Udala–Getxolan eta Jata-Ondo Uribe Landa Garapen Agentziarekin lankidetzan, eta Bizkaiko Foru Aldundiaren Bizkaia Orekan Sakonduz programak finantzatzen du.
Jardunaldia Arrain Azoka 2025eko jarduera profesionalen baitan kokatzen da, Bizkaiko kostaldeko ekonomia urdinaren eta enpresa berrikuntzaren erreferentziazko gune bihurtuz.