2025ko Maiatzak 29
Berriak
Laguntza teknikoa
2025ko Maiatzak 28
EUSKADI BASQUE COUNTRY GOLFEKO HELMUGA TURISTIKO GISA SUSTATZEN DA IAGTO-K ANTOLATUTAKO IEC MERKATARITZA-EKITALDIAN
Itxaslehor Zerbitzu Turistikoak-ek Euskadi Basque Country helmugaren ordezkaritza zerbitzua eman zuen Kanaria Handian 2025eko maiatzaren 19tik 21era bitartean ospatu zen Europako konbentzio honetan.
IEC –IAGTO European Convention– Europako golf-turismoko ekitaldi komertzial eskuragarriena eta produktiboena da, eta 800 ordezkari erakarri zituen edizio honetan. Ekitaldi hau IAGTOko (International Association for Golf Tour Operators) kideei irekita dago, hau da, golf-operadore turistikoei, golf-turismoko hornitzaileei, golf-helmugei eta Europa osoko, Afrikako eta Golkoko estatuetako komunikazio-zerbitzu hornitzaileei.
Ekitaldi horretan parte hartu zuten ordezkari saltzaileak eta erosleak IAGTOko kideak dira, guztiz akreditatuak, eta mundu osoko golf-bidaien jaulkitzaile diren merkatuetatik datoz, eta guztiak Europako golf-helmugetako saltzaileak dira.
Konbentzioak, berez, bi bilera-egun ekarri zituen, eta horiek guztiak aldez aurretik programatu ziren, ExpoMeloneras Konbentzio Zentroko ordezkariek eskatuta.
Euskadi Basque Countryk iraupen laburreko aurrez-aurreko 25 bilera baino gehiago egin zituen (speed meeting-ak) bi lan-egun gogorretan, golfeko turismo-operadoreen arreta erakartzeko helburuarekin, gure helmugako golf-eskaintza ezagutzeko interesa agertu baitzuten, batez ere gure autonomia-erkidegoan ditugun 18 zuloko 9 zelaien inguruan.
Zalantzarik gabe, aukera ezin hobea da gure helmuga turistikoa nazioarteko merkatuetan sustatzeko, merkatu horiek udatik kanpo bidaiatzen duten bezero-profilak zein erosketa-maila nahiz kultura-maila ertain-altua dituztelarik.
2025ko Maiatzak 15
ARRAIN AZOKA PRO
2025ko Maiatzak 02
10 BIDAIA-AGENTE ETA KAZETARI ALEMANIAR BAT EUSKADI BASQUE COUNTRY-N IBILI DIRA GRAND TOURRA EZAGUTZEKO
ADAC Reisen Alemaniako merkatuan ospe handiena duen agentziako 10 agente eta FVW Travel Talk hedabideko kazetari bat gure lurraldetik ibili ziren apirileko lehen egunetan. Itxaslehor Turismo Zerbitzuak-ek koordinatu zuen bidaiaren programa eta garapena.
Euskadi Basque Country-k Alemaniako merkatutik zetorren familiarizazio-bidaia bat hartu zuen apirilaren 2tik 6ra. Sektore turistikoko 11 profesionalek, Frankfurteko Espainiako Turismo Bulegoko ordezkari batekin batera, gure lurraldeko erakargarri turistiko ospetsuenetako batzuk zeharkatu zituzten, helmuga turistikoa hurbilagotik ezagutzeko eta epe labur/ertainean beren eskaintza turistikoaren barruan programatu ahal izateko.
Sektoreko 12 profesional horiek alokairuko lau ibilgailutan bidaiatu zuten, hiru profesional ibilgailu bakoitzean, esperientzia nork bere kasa bizitzeko asmoz. Hala ere, egia da ibilgailu bakoitzak aldez aurretik adostutako bidaia-programa bat izan zuela, parte-hartzaile guztiek Euskal Autonomia Erkidegoko hainbat txoko eta esperientzia ezagutzeko aukera izan zezaten.
Oso bidaia desberdina izan zen, izan ere, nahiz eta une batzuetan tokiko bi turismo-gidarik lagundu, parte-hartzaile guztiek izan zuten gure errepideetan zehar gidatzeko aukera eta, horrela, esperientzia lehen pertsonan sentitzeko aukera.
Euskadi Basque Country Grand Tour, funtsezko helburuak dituen proiektua
Garrantzitsua da azpimarratzea eta gogoraraztea 2030erako Turismo Iraunkorraren Euskal Estrategian ondo identifikatutako hainbat helburu lortu nahi dituen proiektua dela, eta funtsezkoak direla gure helmuga turistikoa garatzeko, hala nola:
– Urtarokotasuna kentzea
– Deszentralizazioa / Deskontzentrazioa
– Gure jmugan batez besteko egonaldiaren igoera
– Gure helmugan batez besteko gastuaren igoera
– Erakargarri turistikoak proiektu jakin baten inguruan artikulatzea
2025ko Apirilak 16
BILBOKO AIREPORTUKO TURISMO BULEGOAK BERE IRUDIA EGUNERATU ETA EUSKADI BASQUE COUNTRY GRAND TOUR-I BALIOA EMAN DIO
Itxaslehor Turismo Zerbitzuak-ek prozesu hori babestu eta lagundu du, bai bere turismo-informatzaileen taldearen bitartez egindako ekarpenetatik, bai Euskadi Basque Country Grand Tour produktuaren laguntza teknikoaren bidez irudi berria diseinatzeko ideian izandako lankidetzatik.
Eusko Jaurlaritzako Turismo, Merkataritza eta Kontsumo Sailak Bilboko aireportuko turismo-bulegoaren kanpoko zein barneko irudia eguneratu du, haren itxura berritzeko, balioa emateko eta Euskadi Basque Country helmugari dagokion irudi korporatiboago batera egokitzeko asmoz.
Zentzu horretan, Itxaslehorrek i-tourbask, Turismo Bulegoen Euskal Sarearekin eta Basquetour, Turismoaren Euskal Agentziarekin lankidetzan jardun du, indarrean dauden sorkuntza-pieza horiek asmatu, koordinatu, ekoitzi eta muntatzeko faseetan.
Laburbilduz, Bilboko aireportuko turismo-bulegoak irudia berritu du, eta Itxaslehor Turismo Zerbitzuak izan da, beste eragile batzuen artean, kate horretako kate-mailetako bat. Horri esker, bisitariak gure lurraldean lurreratzen diren unean Euskadi Basque Country turismo-helmugaren irudia ahalik eta erakargarriena, gaur-gaurkoena eta iradokitzaileena izatea da asmoa.
2024ko Azaroak 11
SURFEKO HERRIEN SAREA. KANTAURIKO SURF UDALERRIEN ARTEKO LANKIDETZA PROIEKTUA EBk FINANTZATUTA
2024ko Urriak 09
Euskadi Grand Tour proiektuari bultzada berria
2024ko Irailak 24
Ekonomia zirkularrari eta klima aldaketari buruzko tailerrak Itsas eta Irristaketa Industriako Enpresentzako
Itxaslehorrek Getxoko udala-Getxolan, Bermeoaldeko Behargintza eta ADR Jata-Ondo Uribe agentzien lidergoarekin eta Bizkaia Orekan Sakonduz programaren barruan Bizkaiko Foru Aldundiarekin batera parte hartzen duen Itsas Industria bultzatzeko estrategiaren eta irristatzearen barruan, tailer hauek diseinatu dira ekonomia zirkularraren, deskarbonizazioaren eta klima-aldaketaren kontzeptuetan sakontzeko, enpresen jarduerekin lotuta, eta araudi-, komunikazio- eta merkatu-aldaketek nola eragingo dieten enpresa horiei. Oso programa praktikoa eta enpresen egunerokora bideratua.
Helburua
Helburu nagusia ekonomia zirkularraren eta klima-aldaketaren arloan parte hartzen duten enpresak gaitzea da, datozen aldaketak erakustea, erronkak eta lan-ildo posibleak identifikatuz lehiakortasuna bultzatzeko, ingurumen-jasangarritasuna faktore bereizle gisa erabiliz. Horretarako, hiru lan-saio proposatzen dira guztira.
Hiru tailer horietan, ekonomia zirkularrari eta klima-aldaketari buruz gehiago jakiteaz gain, honako hauek ikasiko ditugu:
– produktu/zerbitzuen ingurumen-inpaktua neurtzea.
– produktuak/zerbitzuak ekodiseinatzea.
– modu garden eta arduratsuan komunikatzea.
– laguntza-programa potentzialak identifikatzea.
Plaza mugatuak, izena emateko hurrenkera hartuko da kontuan. Inskripzioak.
Bizkaia Orekan Sakonduz programak eta ADR Jata-Ondo Uribe, Bermeoaldeko Behargintza eta Getxoko udala-Getxolan garapen agentziek diruz lagundutako programa.
Grunver Sostenibilidad emandako tailerrak.
2024ko Maiatzak 30
Leioak, “Leioa Gastro+ (ART) 2023” ekitaldia martxan jarri du Itxaslehor Zerbitzu Turistikoen laguntzarekin
Izatez, ideia hau 2021. Urtean David Moraren laguntzarekin, Itxaslehor Zerbitzu Turistikok idatzitako Turismo Plangintza Estrategikotik ateratakoa da, besteak beste Ekintza planaren barne jorratutako profil gastronomikoaren ondorioz asmatutakoa hain zuzen ere.
Leioako Turismo Mahaiak egiaztatu duen proiektua da, eta, aldi berean, beste erronketako batekin lotuta dago: EHU/UPV, Ostalaritza Eskola eta Leioako Udala hurbiltzea, anfitrioi eta gurutze-bide gisa, udalerria berrikuntza, ezagutza eta heziketa gastronomikoko gune gisa kokatzea duela helburu.
LEIOA GASTRO+ ART 2023
Proiektuaren planteamendua lau ideia edo ardatzetan oinarritu da
- Leioari ospea sortzea, bizi-kalitatea duen udalerri gisa, ezagutzaren sortzaile gisa.
- Artisau-sormena sustatzea erakundeen eta prestakuntza-eremuen arteko lankidetzaren bitartez
- .Iraunkortasunean oinarritutako gastronomiaren aldeko apustua, sasoiko sukaldaritzan, eskualdeko produktuekin eta elikagaien xahuketa gutxituz
- . Leioztarra gizarteari harrotasunez ondarea utzi, Leioa izena daraman menu eta mahai-tresnaren moduan.
Balore horiek inspiratu dituzte fusio honetan funtsezko bi piezak: mahai-tresna eta menua. Sormen topaketen bidez, bi taldeak harremanetan jarri ziren, parekatu daitezkeen kontzeptuak, formak eta zaporeak harmonian bilatzeko.
Leioa Gastro+Art -en ospakizuna, beraz, proiektu holistikoaren lehen edizioa bihurtzen da, sendotzeko asmoarekin eta edizio berri bakoitzean jakintza-arlo ezberdinen arteko elkar puntuak aztertuko dituena, eta, aldi berean, sortuko dena. Mendibilen ikusgai egon daitezkeen eta udalerrira bisitak sortzeko erakargarri diren ekitaldiak, piezak edo lanak.
2024ko Maiatzak 23