Aste honetan, Mexikotik, “Campeche”-tik hain zuzen ere Euskadira etorritako ordezkaritza bat hurbildu zaigu gure bulegora, Paula Eugenia Flores Anderea, Garapen Ekonomiko Idazkariordea buru dala, ikusi eta aztertzeko guk gure herrialdean izan dugun eskarmentua beraientzat onuragarria izan daitekeena.
Campeche, izatez estatu aberatsa da eta bere ekonomiaren arlorik indartsuena petrolioan datza, hala ere, beste arlotan jorratzeko aukerak bilatzen ari dira eta bat, turismoa izan daiteke. Hori dala eta Itxaslehor Zerbitzu Turistikoak enpresarekin biltzea eskatu dute, eskarmentu handiko taldea baita produktu turistikoak garatzeko ahalmena eta sektorea dinamizatzeko gaitasuna eta esperientzia baitu, sektorearen eta lurraldearen lehiakortasuna lantzeko zenbait giltza izan daitekeen ideia harrapatzeko helburuarekin

Pasadan 2018. urtean, jadanik, 12 lan talde jarri ziran martxan lurraldeko turismoaren gainean hausnartu eta jorratzeko. Lan talde hauek turismoaren gai eta arlo desberdinak jorratzen dute, lidergoa, garapena, eta marketina ildo nagusiak izanik .
Horretarako lan tresna desberdinak erabiltzen ditu, besteak beste, “2020 Estrategia”, lidergoa garatzen dutenentzako, Laguntza Dekretua sektorea zein lurraldearen gainean lan egiten dutenentzako edo Marketing Plangintza eta 2018-2015 erako Posizionamendu Plangintza, marketing arloan ari direnentzako.
2019 honetan, asmoa, estrategia guzti horrek lurraldera eroatea izango da bereziki eragileen zein baliabideen lehiakortasuna hobetzeko. Itxaslehor Turismo Zerbitzuak bertan egongo da helburu horri eusteko prest, eta erronkak eta eragileak elkartu eta bideratzeko

Aste honetan bertan Deustuko Unibertsitatean izan gara bere “DUAL” Formakuntza deritzon eskaintza berria aurkezpenean
Formakuntza mota honek, elkar lankidetzan eta elkarlanean du oinarria, batez ere Unibertsitateak eta enpresak elkarrekin, turismo graduaren askeneko kurtsoa planifikatzeko orduan ikasleak lan merkatuan sartu orduko.
Unibertsitateko Proiektu honetan ezin zen falta, nola ez Turismoko Fakultatea
Ideiaren oinarria erraza da, enpresak erronka bat edo gehiago luzatzen ditu, ikasleak erronka aukeratu eta berari aurre egiten dio, bai unibertsitatean bertan bai enpresan lan eginez era berean. Horrela partaide guztiak irasten dute prozesuan.
Dena dala, Itxaslehorrek jada, parte hartu zuen pasadan urteko proban, eta nola ez, aurten be prest gaude parte hartzeko.
Jakintasunaren eta adimenaren gertu egotea, beti da mesedegarria