Itxaslehor Zerbitzu Turistikoak, Urduñako Plan Estrategiakoa idazten gabiltza buru belarri, eta gure metodologiaren parte moduan, behin  diagnosi fasea bukatu, sektoreko eragileekin partekatu egiten dugu, hurrengo proposamen fasean sartu aurretik.

Kasu honetan, eragileen presentziako bilera antolatu zen, osasun segurtasun neurri guztiak kontutan izanik, arrakasta handikoa izanik, eragile gehienek antolatzaileen deialdira agertu bait ziren, gaiak sortu duen interesa ageriz.

Diagnosiak, helmugaren turismoarekiko momentua erakusten du, plan aurreko  argazkia legez, eta orokorrean honek ez du sorpresarik ekartzen, jakin gainean edo susmatzen genuen informazioa izaten baita, hori bai, arrazoituz eta antolatuta. Horrez gain, komeni du elkar partekatzea guztiok ikusmira eta premisa berdinetan oinarritzen garela konfirmatzeko.

Nahiz eta batzar honen helburua ez izan, estrategiaren formulazioaren zenbait alde partekatzera be animatu ginen sektoretik nola ikusten ziren jakiteko, besteak beste, misioa, ikusmira, ardatz estrategikoak eta beste zenbait funtsezko elementu. Alderdi klabeak baieztatu ziren, oztopo gogorrenak aipatu ere, bost erronka nagusi ezarri ziren eta produktuak lehenetsi, eta zenbait akzio proposatu ere.

Honek guzti honek jendea berotu eta parte hartzera ereman zuen, ekarpenak eta komentarioak bilduz. Hemendik aurrera estrategia eta plangintza operatiboa garatzea gelditzen zaigu. Lanera orduan.

Interesa eduki ezkero edo eta ekarpenik bota nahi ezkero kontaktatu eginzu gurekin zalantza barik, eskertuko dizugu eta.

Aste honetan, Leioako Turismo Plangintza Estrategikoaren 1. Fasearen giza,  Leioako turismoaren egoeraren gaineko diagnosia egiaztatu dogu, batik bat, aldez aurretik sakontasuneko elkarrizketetan parte hartu zuten udalerriko zenbait sektore publiko eta pribatuko eragileekin batera. Itxaslehor Zerbitzu Turistikoak barneratu dugu metodologian parte hartze prozesu mota hauek, horrelako sektorearekiko lotura ekintzak oso interesgarri deritzoguelako, alde batetik, geroko proposamenaren oinarria indartu egiten duelako, era berean eragileek eta estrategia batu egiten ditutelako berea bihurtuz eta askeenik, martxan dagoen plangintzaren barne komunikazio tresna bilakatzen delako.  

Adostasun lan bilera honetan bertan, aurreratu egin ditugu zenbait ideia estrategiaren adierazpenean, eman nahi diogun ikuspuntua egiaztatzeko, zenbait gai garrantzitsu partekatuz, esaterako, misioa, ikuspegia, garatu beharreko ardatz estrategikoak, besteak beste, beraien iritzia eta ekarpenak jasotzeko, gero horrek modu egokian jorratzeko zein aldaketak ezartzeko edo ta zenbait gai garrantzitsu barneratzeko. Dagoeneko, ideia nagusi batzuk ba daude itxura eta indarra hartzen, esaterako udalerriaren ongi izate maila, herriaren gaineko kontakizun barri baten behar izana, ezagutza, heziketa eta Unibertsitatearen eremua eta influentziaren potentziala, Mendibile, txakolina eta gastronomia, eta nola ez, bertoko kultura eta izaera. Ideia guzti hauei bere toki egokia eman beharko zaie plangintza estrategikoan.

Hurrengo urratsa estrategia eta ekintza plana zehaztea izango da, baina dagoeneko mamia bertan dago eta ilusio baita ere. Orain, zentsua, eskarmentua, eta lana zorroztasunez jarri beharko diogu. Goazen ba.  

Urdaibaik Euskadiko helmugarik jasangarriena irabazi du Europako Gutunari atxikitzea lortu ondoren. Gutun horretan, Europako 40 herrialde ingurutako naturguneek parte hartzen dute.

Eusko Jaurlaritzako Ingurumen, Lurralde Plangintza eta Etxebizitza Sailaren mendeko Urdaibaiko Biosfera Erreserbaren Zerbitzuak eta Urremendi Landa Garapenerako Elkarteak gidatutako proiektu honek Bermeoko, Mundakako eta Gernikako turismo-bulegoen, Euskadiko Turismoaren Euskal Agentziaren – Basquetour –, Bizkaiko Foru Aldundiaren, Tourdaibai Turismo Iraunkorrerako Elkartearen eta sozietate zibilaren lankidetza aktiboa izan du etengabeko Foroaren bidez.

Europarc federazioak kudeatzen duen Turismo Iraunkorraren Europako Gutunari (CETS) atxikitzeak Urdaibai, Euskal Autonomia Erkidegoko Biosferaren Erreserba bakarra, turismo-gune jasangarrien mapamundiaren barruan jarriko du, eta, aldi berean, aintzatespena lagungarria izango da haren kontserbazioaren eta natura-eremuaren garapen jasangarriaren arteko orekari eusteko laguntzak indartzeko. Horrek guztiak eskualdea Euskadin kalitatezko turismo-helmuga arduratsu eta seguru gisa sustatzen lagunduko du.

Itxaslehor Zerbitzu turistikoak Urdaibairako berariaz diseinatutako produktu-plan baten garapenean parte hartu du, Turismo Iraunkorraren Europako Gutunak ezartzen dituen irizpide eta baldintza guztiekin. Produktuen definizioa, analisi, diagnostiko estrategiko eta hautaketarekin, ekoturismo-produktu pilotu baten diseinua eta ekoturismo-produktuen tailer bat egitea, ondoren merkaturatzeko.

Argi dago egoera barri honek eragile guztiok mugiaraziko digula. Alde batetik, bakoitzaren aktibitatea birplanteatzera, eta nola ez, etorkizuna, bai epe laburreko, bai luzarokoa ere bir planifikatzera. Administrazioa ere kasu honetan, pausu bat aurrera ematen ari da erantzunaren lidergoa hartuz.

Bizkaiako Foru Aldundiko Turismoko Zuzendaritza , Bilbao Bizkaiako turismo sektorearen sustapen plan batetan ari da lanean, egoera barriari aurre egiteko eta sektorea bir aktibatzeko asmoarekin, alde batetik urgentziazko neurriak hartuz, eta konfinamenduaren osteko lehentasuneko ekintzak, zein epe laburreko ekintzak ere gehituz

Informatu, ezagutza eta eredu baliagarriak partekatu, sektorea lagundu, posible diren neurriak adostu, ekarpenak egin, plangintzan eta erabakietan partehartu… hau guzti hau dagokio momentu honi.

Horretarako tresna egokia da Bilbao Bizkaia Action Group (Bizkaiko Foru Aldundiaren Turismoko Zuzendaritzak Bilbao Bizkaiaren lidergoa eta helmugako gobernu adimendua garatzeko, sortutako publiko- pribatu sarea) gobernu eredu partehartzailea, Itxaslehorek turismoko aholkulari moduan, idazkaritza teknikoa jorratzen duela

Aurrekoari lotuta, aipatu beharrezkoa da gobernu sistema honen eginkizuna transmisio kate legez, batez ere momentu larri hauetan, non parte hartzen duten alde guztietako eragileen arteko elkar entzutea ain garrantzitsua suertatzen da , ahalik eta azkarren erabakiak hoberenak hartzeko.

Idazkaritza teknikoan lanean gabiltza helmuga turistiko legez prest egoteko ahalik eta modu egokienean, behin “coronavirus” pasatu eta egoera barriaren aurrean, besteak

Azken baten, guztiok batera egoera honetatik ateratzera, ikuspuntu eta norabide argi eta bateratu batekin, baita ahalegin eta energiak partekatuz.