Urte batzuk badira digitalizazioa, iraunkortasuna edo erresilientzia bezalako kontzeptuak entzuten ari garela, baina, egia esan, COVID 19k dena bizkortu du.
Alde batetik, teknologia eta komunikazio-tresna digitalak erabiltzea ohikoa da enpresetan, ikastetxeetan, osasunean edo gure familian bertan. Telelana egiteak denbora aurreztea edo ibilgailua gu garraiatzeko ez hartzea esan nahi du; horrek esan nahi du CO2 gutxiago isurtzen dela eta bizimodu osasungarriagoa eta ingurumenarekiko begirunetsuagoa hartzen dela. Era berean, leku desberdinetako pertsona asko eta asko denbora errealean konekta gaitezke foro edo topaketa berean gailu batekin eta Interneterako konexioarekin.
Bestalde, adimen artifiziala abiadura bizian zabaltzen ari da. Nork ez ditu aditu itzultzaile automatikoak, blockchain, errealitate birtual/areagotua, multimedia gida turistikoak edo chatbotak? Gartner aholkularitza-enpresa espezializatuak adierazi duenez, AEBetako merkataritza elektronikoa % 30 handitu ahal izango da chatbotei esker; izan ere, komunikazio-kanal interesgarria dira, bezeroen informazioa gordetzen dutelako eta edonon jar daitezkeelako. Berdin dio web bat, sare sozial bat edo aplikazio bat izan.
Hala ere, aro digitalak bi alderdi oso desberdin ikustera garamatza: jarrera pasiboa duten enpresak eta, beraz, berandu erreakzionatzen duten eta lehiatzeko gai ez diren disrupzioa jasaten duten enpresak, eta enpresek eraldaketa digitala arretaz gauzatzen duten enpresa aktiboak. Alde batean edo bestean kokatzea desagertzearen edo lidertzearen aldeko apustua egitea da.
Andrés Pedreño Inteligentzia Artifizialaren Behatokiko zuzendariak dioen bezala, beharrezko baldintzak sortu behar ditugu turismoari aplikatutako teknologia nazioartean sektorean dugun garrantziaren mailan egon dadin. Berrikuntza eta teknologia turistikoan eta turismoan I+G+b arloan munduko potentzia izateak gure lidergoaren jasangarritasuna eta posizionamendu lehiakorra sendotuko ditu nazioartean. Turismoa I+G+Bko sektore intentsibo bihurtzea, berezko teknologiarekin, aldaketa disruptiboen aro berri honetan hazkunde ekonomikoaren eta eraldaketa produktiboaren motorra izaten jarraitzeko.

Urduñako Turismoko Plangintza Estrategikoak hurrengo 3 urtetarako bidea makatuko du, helburu nagusi batetik sortutako prozesu metodologiko bat ezarriz; eredu turistiko berri bat lortzea 3 urtetako epe edo tartean, gaur eguneko turismoko arlo batzuen egoera hobetzeko bideratutako helburu zehatz batzuen lorpenaren bitartez

Horretarako zenbait ardatz eta ekimen estrategiko zehazten dira eta beste hainbeste akzio eta programa jarri beharko dira martxan, lehiakorrago ez eze, eraginkorragoa eta baita etorkinarekiko jasangarriagoa den beste turismoaren garapenerako eredu berri bat ezartzeko eta lurraldeko eragileekin be partekatzeko.

Helburuak betetzearen asmoarekin buruan, 4 ardatz estrategiko zehaztu dira, erdi eta luze eperako, eta bertan turismoaren garapenaren elkar komuneko bidea egiteko agindu orokorrak zehazten dira. Ardatz hauek argi islatzen dira 12 ekimenetan, eta era berean, 2021- 2023 epe tartean, Urduñak, turismoaren garapen arrakastatsuak eraginda, eredu turistiko berria izan dezan ezarrarazi behar diren 34 akzio desberdinek osatzen duten programa operatibo- estrategikoan

Lehendabizi, Covid-en ondorioz sortu den egoera barrian lehentasunak ezarri dira. Urduñak etekin atera behar dio momentu txar honi sektore turistikoaren profesionaltasuna eta formakuntza jorratzeko, era berean turismoa apurka berpizten den ordurako eta turistak konfiantza berreskuratzen duten ordurako, Urduñak, berak amesten duen helmuga mota izan daiten oinarriak ezarriz. Horrela, aurten, Urduñak sektorearen batasuna eta elkarlana landu beharko du, eskaintzaren gora berak ezagutu eta nori nahi duen zuzendu aukeratu, baita sektoreko joera zein esperientzietan oinarritutako eskaria antolatu, eta lehentasuna eman epe labur eta ertainean egin beharreko akzioetan. Akzio hauek, gobernantza eraginkor eta partehartzailearen barne, hurrengo kalitatezko garapen lehiakor eta jasangarriaren oinarri bihurtzen direlarik.

Covid-aren ondorioz, turismo sektorea aurkitzen den egoera ikusita, 2021 urtea erronka beteriko urtea bezala agertzen zaigu. Gaixotasunak munduko turismoa “jaque”-an jarri du eta helmugak birsortu eta egoera berriari egokitu behar izan dute, beraien eskaria zein baiozko proposamena moldatuz merkatuaren beharrizan berriei erantzuna emateko.

Barakaldoko 2020-2023 Turismo jasangarriaren estrategiak bost ildo nagusitan eta hogeitazazpi ekintzetan oinarritzen da. Herriak jorratu behar duen erronka nagusien inguruan biltzen dira ildo nagusi eta ekintza horiek, helmuga turistiko jasangarri legez garatu daiten egin behar diren ahalegin guztiak aipatuz.

1.- Jasangarritasuna eta ekonomia zirkularra

2.- Kudeaketa eta gobernantza partehartzailea

3.- Helmuga eta enpresen lehiakortasuna

4.- Produktua

5.- Komunikazioa e informazioa

Ekintza bakoitzak bere fitxa propioa du eta bertan hurrengo arloak garatzen dira; Akzio bakoitzaren justifikazioa, azalpena, helburuak, arduradunak, eragileak, datak, lotutako beste akzioak, aurrekontua, espero diren emaitzak, eta jarraipenerako adierazleak, besteak beste.

Barakaldoko Plangintza estrategikoaren barneko aktuazioak hurrengo hiru urteetan garatuko dira, bidea, beti ere pandemiak edo beste proiektuen eboluzioa kontutan izanik. Plangintzan hartutako neurri guztiak mota desberdineko ekintzak barneratzen dute; ikerketak, azpiegituretan eta eremu publikoetan inbertsioak, komunikazio zein promozio ekintzak, guztiak garai edo epe desberdinak betetzen.

Plangintzaren komunikazio propioa ere sartzen du, bere helburu nagusia herritarrak zein sektoreko eragileak informatzea, jarritako neurri zein estrategiak garatzen diren eginean nola betetzen diren, eta beraien emaitzak be azalduz. Oinarrizkoa da komunikazioak lagundu dezala herritarrak, gizarte eragileak, baita enpresak, konprometitzera plangintzaren helburuak betetzen laguntzera.

Azkenik, proposatzen da Barakaldoko Plan Jasangarri Estrategiko Turistikoak barneratu dezala jarraipen eta baieztapen sistema bat, modu horretan neurtu daitekelako bere garapen neurria bere emaitzak eta ondorioak.

Itxaron dezagun, bada, laster martxan ikustea.

Plentziako Udalak datozen 4 urteetarako turismo estrategia berria aurkeztu dio aste honetan turismo sektoreari. Itxaslehor Servicios Turísticos enpresak egin du plan hori, eta, gainera, udalerriko turismo-bulegoa kudeatzen du.
Plentziako Udalak datozen urteetan turismo arloan izango duen ibilbide orria izatea du helburu dokumentu honek. Orain arte Plentziak ez zuen estrategia turistikorik, nahiz eta aspalditik turismo arloan tradizio handia duen Bizkaiko udalerrietako bat izan.
Dokumentua hainbat fasetan egin da; lehenengo fasean egoeraren analisia edo diagnostikoa egin da; bigarrenean, formulazio estrategikoa egin da, Plentziaren misioa, ikuspegia eta balioak eta printzipioak helmuga turistiko gisa definituz; eta hirugarrenean, definizio estrategikoa egin da. Fase horretan, hainbat ardatz eta ildo estrategiko identifikatu dira, jarduera-programetan eta denbora-tarte desberdinetan garatu beharreko ekintzetan banakatuta.
Laburbilduz, Plentziak gizarte, ingurumen eta ekonomia iraunkortasunean oinarritutako turismo eredu berri baten alde egiten du, non “itsasadarrak” itsas hiribilduaren potentzial turistiko guztia egituratzen duen.
Turismo-mahaia urte honen hasieran eratu zen, eta azpisektore turistiko guztiek parte hartzen dute bertan, administrazioaren ordezkariekin batera. Hura izango da gobernantzaren funtsezko organoa, eta turismo-bulegoarekin batera palanka gisa jardungo du, turismoaren arloko estrategia hori abian jar dadin eta fruituak eman ditzan.

Itxaslehor Zerbitzu Turistikoak, Urduñako Plan Estrategiakoa idazten gabiltza buru belarri, eta gure metodologiaren parte moduan, behin  diagnosi fasea bukatu, sektoreko eragileekin partekatu egiten dugu, hurrengo proposamen fasean sartu aurretik.

Kasu honetan, eragileen presentziako bilera antolatu zen, osasun segurtasun neurri guztiak kontutan izanik, arrakasta handikoa izanik, eragile gehienek antolatzaileen deialdira agertu bait ziren, gaiak sortu duen interesa ageriz.

Diagnosiak, helmugaren turismoarekiko momentua erakusten du, plan aurreko  argazkia legez, eta orokorrean honek ez du sorpresarik ekartzen, jakin gainean edo susmatzen genuen informazioa izaten baita, hori bai, arrazoituz eta antolatuta. Horrez gain, komeni du elkar partekatzea guztiok ikusmira eta premisa berdinetan oinarritzen garela konfirmatzeko.

Nahiz eta batzar honen helburua ez izan, estrategiaren formulazioaren zenbait alde partekatzera be animatu ginen sektoretik nola ikusten ziren jakiteko, besteak beste, misioa, ikusmira, ardatz estrategikoak eta beste zenbait funtsezko elementu. Alderdi klabeak baieztatu ziren, oztopo gogorrenak aipatu ere, bost erronka nagusi ezarri ziren eta produktuak lehenetsi, eta zenbait akzio proposatu ere.

Honek guzti honek jendea berotu eta parte hartzera ereman zuen, ekarpenak eta komentarioak bilduz. Hemendik aurrera estrategia eta plangintza operatiboa garatzea gelditzen zaigu. Lanera orduan.

Interesa eduki ezkero edo eta ekarpenik bota nahi ezkero kontaktatu eginzu gurekin zalantza barik, eskertuko dizugu eta.

Aste honetan, Leioako Turismo Plangintza Estrategikoaren 1. Fasearen giza,  Leioako turismoaren egoeraren gaineko diagnosia egiaztatu dogu, batik bat, aldez aurretik sakontasuneko elkarrizketetan parte hartu zuten udalerriko zenbait sektore publiko eta pribatuko eragileekin batera. Itxaslehor Zerbitzu Turistikoak barneratu dugu metodologian parte hartze prozesu mota hauek, horrelako sektorearekiko lotura ekintzak oso interesgarri deritzoguelako, alde batetik, geroko proposamenaren oinarria indartu egiten duelako, era berean eragileek eta estrategia batu egiten ditutelako berea bihurtuz eta askeenik, martxan dagoen plangintzaren barne komunikazio tresna bilakatzen delako.  

Adostasun lan bilera honetan bertan, aurreratu egin ditugu zenbait ideia estrategiaren adierazpenean, eman nahi diogun ikuspuntua egiaztatzeko, zenbait gai garrantzitsu partekatuz, esaterako, misioa, ikuspegia, garatu beharreko ardatz estrategikoak, besteak beste, beraien iritzia eta ekarpenak jasotzeko, gero horrek modu egokian jorratzeko zein aldaketak ezartzeko edo ta zenbait gai garrantzitsu barneratzeko. Dagoeneko, ideia nagusi batzuk ba daude itxura eta indarra hartzen, esaterako udalerriaren ongi izate maila, herriaren gaineko kontakizun barri baten behar izana, ezagutza, heziketa eta Unibertsitatearen eremua eta influentziaren potentziala, Mendibile, txakolina eta gastronomia, eta nola ez, bertoko kultura eta izaera. Ideia guzti hauei bere toki egokia eman beharko zaie plangintza estrategikoan.

Hurrengo urratsa estrategia eta ekintza plana zehaztea izango da, baina dagoeneko mamia bertan dago eta ilusio baita ere. Orain, zentsua, eskarmentua, eta lana zorroztasunez jarri beharko diogu. Goazen ba.  

Urdaibaik Euskadiko helmugarik jasangarriena irabazi du Europako Gutunari atxikitzea lortu ondoren. Gutun horretan, Europako 40 herrialde ingurutako naturguneek parte hartzen dute.

Eusko Jaurlaritzako Ingurumen, Lurralde Plangintza eta Etxebizitza Sailaren mendeko Urdaibaiko Biosfera Erreserbaren Zerbitzuak eta Urremendi Landa Garapenerako Elkarteak gidatutako proiektu honek Bermeoko, Mundakako eta Gernikako turismo-bulegoen, Euskadiko Turismoaren Euskal Agentziaren – Basquetour –, Bizkaiko Foru Aldundiaren, Tourdaibai Turismo Iraunkorrerako Elkartearen eta sozietate zibilaren lankidetza aktiboa izan du etengabeko Foroaren bidez.

Europarc federazioak kudeatzen duen Turismo Iraunkorraren Europako Gutunari (CETS) atxikitzeak Urdaibai, Euskal Autonomia Erkidegoko Biosferaren Erreserba bakarra, turismo-gune jasangarrien mapamundiaren barruan jarriko du, eta, aldi berean, aintzatespena lagungarria izango da haren kontserbazioaren eta natura-eremuaren garapen jasangarriaren arteko orekari eusteko laguntzak indartzeko. Horrek guztiak eskualdea Euskadin kalitatezko turismo-helmuga arduratsu eta seguru gisa sustatzen lagunduko du.

Itxaslehor Zerbitzu turistikoak Urdaibairako berariaz diseinatutako produktu-plan baten garapenean parte hartu du, Turismo Iraunkorraren Europako Gutunak ezartzen dituen irizpide eta baldintza guztiekin. Produktuen definizioa, analisi, diagnostiko estrategiko eta hautaketarekin, ekoturismo-produktu pilotu baten diseinua eta ekoturismo-produktuen tailer bat egitea, ondoren merkaturatzeko.